HYMN 692

11.9.11.9 & Ref
"Emi Oluwa Jehofa mbe lara mi"
- Isaiah 61:1



1.  ATI mu mi l‘aginju aye yi ja

     Lori oke ati petele

     Ko si ohun kan t’o wu mi ninu re 

     A fi Jerusalemu t‘orun.

Egbe: Ojo mbo t'a o dagbere

          Fun aye pe o digbose

          Ojo mbo, ara, ojo mbo 

          Ti a o lo s'ile wa loke.


2.  Mo duro, mo wo ona Jerusalem, 

     Okan mi npongbe lati de ‘be 

     Ohunkohun ti y’o ba mu ‘dena wa 

     Metalokan ba mi mu kuro.

Egbe: Ojo mbo t'a...


3.  Ojojumo l’okan ese mi npada 

     Kuro lodo Jesu Oluwa

     Jowo, Jesu, f’eje mimo Re ra mi 

     F’Emi Mimo Re to mi sona. 

Egbe: Ojo mbo t'a...


4.  Aye nti mi sihin, nwon nti mi sohun 

     Se, nko ni pada lodo Jesu

     Mo seleri lati ba Jesu joba

     Ileri na ko ni tase lae.

Egbe: Ojo mbo t'a...


5.  A ti fi ile rere Kenan' han mi

    Ewa re ko se f'enu royin

     Ara, bawo l‘eyin o ha se de ‘be?

    Okan ti ko de ‘be padanu. 

Egbe: Ojo mbo t'a...


6.  Eyin are, e ba mi yin Oluwa 

     T’O f'ona Aposteli han mi, 

     L‘ojo oni mo mo Jesu l‘Oba mi, 

     O f’Emi Mimo Re kun ‘nu mi.

Egbe: Ojo mbo t'a...


7.  Jesu, jowo di mi mu titi d’opin 

     Ki nle ba O d‘opin l‘o dun ju, 

     Aleluya! e yin Jesu l’ekan si, 

     Aleluya! l’orin ikehin!.  Amin